Irakaslea: Irati Bilbao
Artearen historian graduatua (EHU-UPV) eta Jazz kantuan lizentziatua Musikene Euskal Herriko Goi Maila Musika ikastegian. Abeslaria eta kantu irakaslea da. Gaur egun irakaskuntzan aritzeaz gain zuzeneko musika emanaldiak eskaintzen dihardu hainbat proiektu ezberdinekin batera, besteak beste “Begin” (Errabal 2020) bere lehen diska aurkezten.
Zergatik pasatu dira historiara Pavarotti, Ella Fitzgerald, Frank Sinatra edo Elvis? Ze berezitasun zuten munduari eskaintzeko? Eta ze motako eragina izan zuten etorkizuneko musikari eta abeslariengan?
Musikaren historiak ez du arte honen lenguaia soilik aztertzen, musikak, arteak eta kulturak gizartearen norantz norakoak azaltzen ditu moda eta gustu ezberdinen bidez adieraziz. Garai bat eta gizarte bat ulertzeko bere musikari begirada bat botatzea besterik ez dago. Baina musika popularrean badago konstante bat mendeak pasa ahala hor jarraitzen duena: ahotsaren garrantzia eta abeslariekiko miresmena.
Entzuleok ahotsarenganako erakargarritasuna sentitzen dugu bapatean nahi ta nahi ez, bere adierazpen gaitasuna eta birtuosismoa goraipatzen ditugu betidanik, abeslariek ikusleen begirada guztiak jasotzen dituzte eta ondorioz historian egon diren abeslari ezagun eta bikainak gure bizitzako parte dira. Ikastaro honetan musikaren historian murgilduko gara Europar tradiziotik abiatuta 60. hamarkadara arte, batez ere AEBtan garatu ziren estilo modernoetara helduz. Opera, Gospel musika, Bluesa, Jazza, Popa edo Rock n’ Rolla aztertuko ditugu estilo bakoitzeko abeslari esanguratsuenen eskutik.
- Ordutegia: Astelehenetan, 17:00etatik 18:30 era.
- Ikastaroaren egutegia: Azaroa: 14, 21, 28 Abendua: 12, 19 Urtarrila: 9, 16, 23, 30 Otsaila: 6
- Hizkuntza: gaztelania