Zerbitzuen esparruan, euskara ere zerbitzu hizkuntzatzat jo da eta herritarrekiko idatzizko zein ahozko harremanak gaztelaniaz bezala euskaraz ere eskaintzea lortu nahi du.
Horretarako, zerbitzu orokorretako langileek euren hizkuntz gaitasuna egokia izateko ahalegina egiten dute.
Formazio Ikastaroak
Bi ikastaro mota eskaintzen zaizkie langileei: euskara ikastaroak eta ikastaro bereziak.
- Euskara Ikastaroak
Egunean ordu batekoak dira. Iraupenari dagokionez, urrian hasten dira eta ekainean bukatu. Ikastaroa euren lanordu barruan izaten da. Ikastaro hau Bilboko Euskal Irakaslegoak antolatzen du.
- Ikastaro bereziak
Perfildun idazkarientzat egiten dira batez ere. Komunikazio idatzia hobetzeko, eta zalantzak argitzeko internet eta intraneten erabilerari buruzko mintegiak dira.
