Zentro bakoitzak bere plan orokorra diseinatu eta abian jartzen du. Plan orokor horretatik abiatuta irakasleen prestakuntzarako plana egiten da. Formazio plan horretan prestakuntza programak eta ikastaroak eskaintzen dira. Bilbon Euskal Irakaslegoaren laguntza zuzena du eta Donostian Euskara Kabinetearena.
Bilboko Campusa
Hiru ikastaro mota eskaintzen dira Euskal Irakaslegoaren ardurapean.
-
Euskalduntze-ikastaroak
Ikastaro hauek euren hizkuntz gaitasuna hobetzeko asmoa daukaten irakasleentzat zuzenduta daude, etorkizunean klaseak ematen aritzeko edota ikerketaren munduan sartzeko. Euskal Irakaslegoak eskaintzen dituzten ohiko taldeetan har dezakete parte horretan interesa dutenek edota modu berezian antolatutako mintegian.
-
Ahozko diskurtso akademikoan trebatzea
Ikastaro honen helburua, eskolak euskaraz ematen edo emango dituzten irakasleak ahozko azalpenetan jarduteko trebatzea da. Horretarako, ahozko adierazpena hobetzeko eta aberasteko bideak lantzen dira.
-
Araugintza eta idazkera trebakuntza
Ikastaro hau normalean uztailean edota irailean egiten da eta laburra izaten da. Bertan irakasleen hizkuntz beharretara egokitutako gaiak eta arloak jorratzen dira.
Donostiako Campusa
Euskara Kabineteak irakasleentzat ematen dituen euskarazko eskolak hauek dira:
-
Alfabetatze orokorra
Ikastaro honen helburua, ikasleekin harremana izateko adinako euskara maila lortzea da, haien lanak eta zalantzak ulertzeko, idatziz nahiz ahoz. Trebatze-saioetan, euskaraz ikasgaiak eskaintzen dituzten irakasleei beren lanerako behar duten trebakuntza eskaintzen zaie.
-
Alfabetatze teknikoa:
Irakasle euskaldunei euskara teknikoko eskolak eskaintzen zaizkie. Ikastaro hau euskara teknikoa lantzeko da. Bertan zenbait baliabide garatzen dira: Euskaltzaindiaren araugintza, Hiztegi Batua, lexiko-sorkuntza, estilo-liburuetatik ateratako gaiak...
-
Ikastaro laburrak:
Campuseko irakasleentzat antolatutako ikastaroa da. Urtetik urtera gai desberdinak eskaintzen dira beharren arabera.
